SHOLAWAT VERSI SUNDA

SHOLAWAT KAJUNGJUNGAN

Sholawat kajungjunan, ieu teh kaunggulan
Kasaban kaagungan, eta anu ngungkulan 3X

Wajib ka sadayana, terang kaunggulanna
Jeung Nabi nu unggulna, ngungkulan kalianna
Mulia risalahna, anu mutlak sifatna
Teu aya sasamina, tur taya karipuhna

Sholawat kajungjunan, ieu teh kaunggulan
Kasaban kaagungan, eta anu ngungkulan 2X

Ayana kamuliaan, ti Gusti nu kagungan
Qur’an nu ngadawuhan, sholawat anugrahan
Sampurna tur ngungkulan, ka Adam disujudan
Sholawat kajungjunan, ngumpulkeun kamuliaan

Sholawat kajungjunan, ieu teh kaunggulan
Kasaban kaagungan, eta anu ngungkulan 2X

Pang sholawat ngunggulan, ka Adam di sujudan
Gusti nu miwarangan, nu sujud pamohalan
Gusti nu miwarangan, sholawat kajungjungan
Bangeutna mideudeuhan, anjeuna nu mayunan

Sholawat kajungjunan, ieu teh kaunggulan
Kasaban kaagungan, eta anu ngungkulan 2X

Opat rupa hikmatna, tina dawuh Gustina
Inna lafaz awalna, Taslima nu akhirna
Hiji ngalobakeuna, sholawat ka Nabi na
Sampurna tur kumpulna, agung mulia nabi na

Sholawat kajungjunan, ieu teh kaunggulan
Kasaban kaagungan, eta anu ngungkulan 2X

Dua pikeun ngumpulkeun, sebatan nu ngasakeun
Gusti tempatna leukeun, Nabi nu dituturkeun
Tilu karna nyumponan, haq na cukang lantaran
Sadaya kanikmatan, eta berkah jungjunan

Sholawat kajungjunan, ieu teh kaunggulan
Kasaban kaagungan, eta anu ngungkulan 2X

Saha jalma syukuran, ka Nabi nu ngufuran
Taya panarimaan , kitu janji pangeran
Opat pikeun nyicingan, sifatna kahambaan
Jauh ti kakufuran, sholawat ngajalanan

Sholawat kajungjunan, ieu teh kaunggulan
Kasaban kaagungan, eta anu ngungkulan 2X

Ari asal ibadah, ngiblat lain ka Ka’bah
Tapi karna parentah, mu’min ulah gagabah
Sadaya malaikat, iwal anu dilaknat
Sujud ka Adam to’at, mulia sabab na to’at

Sholawat kajungjunan, ieu teh kaunggulan
Kasaban kaagungan, eta anu ngungkulan 2X

Ka kumpul ku haq Nabi, lain asalna ngabdi
Dasar parentah Gusti, eta hakekat ngabdi
Sholawat teh haq Nabi, tur haq na umat Nabi
Seja tumut ka Gusti, pangbubungah ka Nabi

Sholawat kajungjunan, ieu teh kaunggulan
Kasaban kaagungan, eta anu ngungkulan 2X